2016-9-12 有點氣氛了

於上星期小弟將小量盈富基金轉做港交所@194.8 , 點知一轉就爆升, 又傳北水南下,險資來港等利好消息


我入港交所以下原因:
1.之前我一直諗自己隊波 大部分都係防守球員(內銀,盈富基金, 金利來)為主, 欠缺一個入到波的前鋒,所以將小量盈富基金轉做港交所

2.港交所估值預160-190區間,  $195我可以接受能力範圍, 再睇番曾氏通道過去10年低位最多接    近 75%悲觀線,

3. 港交所競爭優勢無可取代,   咁多年牛市  銀娛, 匯豐, 股王中國人壽也曾經係師奶愛股升市火     車頭但隨大環境經營因素改變令多少人失望,相反港交所盈利比較簡單,同埋最強係根本就係大市化身, 2800加強版, 恆指升388 一定升比較多因β 值高



執筆之時今日恆指跌左近800點 配合900幾億成交, 這是好的開始, 最近升時想調整下組合都無從入手.

我要求唔多如果388跌到195以下希望將少量金利來轉到港交所.

未來策略2萬5至2萬6 會減持倉位,  2萬點會投入待熊基金殺到1萬8千點



於上星期DREAM兄邀請我參加BLOG友飯局, 可能大家都係同路人, 大家一見如故, 當晚有幾位BLOG友已經踏入財務自由對我黎講係一種鼓舞, 人板就在眼前,我尼首挪亞小舟能否爭氣向著他們方向前進?  一班BLOG 友目標一樣, 一起向上的感覺真係很好, 食完飯後離場有點惺惺相惜感覺, 心情激動不己, 他們不是BLOG友還是戰友, 所以我決定重寫此BLOG,

投資有D似是修道一種, 修道方法各有不同, 目標只有一個成道, 踏進財務自由之道, 八仙過海, 過左海就係神仙!