2013-3 年初至今
HSI: -1.57%
國指: -4.72%
挪亞: -3.66%
組合下跌有賴於中國人壽尼隻好股3 個月由27跌到20蚊......
不過都無眼睇了......
我都好耐無UPDATE 個BLOG, 因為冇咩好寫,我都無再買賣任何股票, 主要原來是23000 只能算是一個合理價, 唔係一個抵到值得出手的時機
尼段期間我一直KEEP 住學習投資, 我考慮緊有咩股票可以將20年香港成功的地方複製起大陸上,
香港20年跑得快過HSI 不外乎二電一煤,長實, 5號仔
如果套用起大陸身上 華能, 大唐..看過了幾年業績 主要未能將煤價反映於客戶身上,現在只是煤價下跌...問題未解決,,,唔係我杯茶
大陸煤氣股例如新奧能源直得考慮但比人炒高左.....等下個熊市再諗諗
電訊股中國移動.......現金流強勁, 冇咩負債, 電訊龍頭,但我有二個考慮
1.中國移動增長已過睇番07年 ROE 25.6, 現在2012 得番17.87%, 盈利增長率得番3-4% 每年, 發展空間有限
2. 你可以話遲D會出4G, 5G.....但所有野都要用錢來打造網絡,同樣帶來更多折舊...
咁樣諗下諗下941 =是一隻收息股而唔係一隻集增長收息於一身的千里馬...
可能係睇得太表面,希望有高手指正
再睇番銀行股
內銀2012 年業績 可以講係交足功課... 全部有比力無渣流灘
老闆唔出雙量比我,唯有自己靠自己,值我慶幸的是當年2011 年大調整,眾多內銀中我主要買中銀同交行(建行,招行都買D)
2012 交銀 資本充足比率 已經去到14% 唔洗再配股 同埋股息由 0.1 去到0.24 人仔, 派息比率12.2>>27.27 % 好快可以去番35%, 當時我一直相信交行最終可以派息比率去番35% 或者成為大陸另一隻大笨象
ROE 雖然18.67>>>15.36% 主要原因係股東數目多左分餅人數多左
已發行普通股加權平均數（百萬股）2011YR 61886 >>> 2012YR 66011( 幾時發架...點解我唔知...我真係唔係好稱職股東)
盈利增長16.31 %.... 繼續幫我搵錢吧
現價為5.81 , PB 為0.91 左右, 又係一個入貨好時機, 一生人低過PB:1 買銀行股機會唔係好多,不過我現金佔組合只得番一成....人大左冇以前咁進取了,以家學懂了留多點現金比自己應急作補救.....不過都好吸引,要再考慮考慮
至於當年冇買的中信銀行.....証明當年思路正確 "平野冇好野" 一隻賣得再平的弱馬, 始終唔好期待佢成千里馬~
最後10年前今天哥哥給了世人一個好大玩笑,哥哥永遠懷念你
